溏心风暴家好月圆_溏心风暴家好月圆结局燃爆了

一部卖鲍鱼卖到争十几集家产，一部卖月饼卖到每集都嗌大交，虽然每集都家长里短、明争暗斗嘅剧情，但我哋依然睇晒。

 

上星期《溏心风暴3》发布咗新预告，故事依然都系豪门恩怨同家族内斗，但系有一点同前两部有所唔同，第三部嘅故事围绕住一穷一富两个家庭，象征住香港两个阶层。

呢个预告瞬间勾起咗我对“溏心”系列嘅回忆，一部卖鲍鱼卖到争十几集家产，一部卖月饼卖到每集都嗌大交，虽然每集都家长里短、明争暗斗嘅剧情，但我依然睇晒。

今日就一齐回顾下《溏心风暴》同《溏心风暴之家好月圆》（以下简称《家好月圆》）嘅经典对白同背后趣事。

《溏心风暴》第一部系2007年首播（即系10年前），讲述以海味店为背景嘅家族故事，剧名中嘅「溏心」就系指「溏心鲍鱼」，一个大家庭因利益分崩离析，牵引出一场争产风暴。

由于当时恰巧亚洲女首富龚如心病逝，爆发争产风暴，《溏心风暴》因此成为城中热话，唔单止录得全年最高收视率48点，仲喺07年嘅台庆横扫6个奖项。

《溏心风暴》系TVB近年较为成功家族争斗剧集，不过佢曾经引发网民大量恶搞，从主题曲、剧中人物到剧情截图，无一幸免一代经典「报警」截图《溏心风暴》第1集，曾出现一幕「报警」嘅经典画面，成个唐家异口同声讲「报警」，呢个场面畀人截图，自此成为网民表达。

「报警」嘅专用表情包。

呢个截图同时开咗「报警截图」嘅先河。

宅男狂潮「法拉之乱」《溏心风暴》之中有陈法拉、锺嘉欣、蒙嘉慧等一众靓女坐镇，当时吸引咗唔少年轻男观众。

其中以陈法拉嘅性感演出最令人眼前一亮，剧中陈法拉不时着背心、热裤，又经常做俯身动作，令到一群网民将《溏心风暴》嘅剧名恶搞为《溏心胸部》、《法拉胸部》等。

最夸张嘅系，有人竟然对住陈法拉嘅画面做不可描述嘅行为，搞到上晒杂志报纸，当时讨论区仲出现咗一堆关于陈法拉嘅贴，导致讨论区被洗版，

后来这段风波仲被网民戏称为「陈法拉之乱」，唔知当时陈法拉系咩表情……

老司机「菊英字D」《溏心风暴》大结局中，有一幕系细契（关菊英饰）开车想撞常在德（李成昌饰），悲愤之中喺树木同栏杆之间左穿右插。

▲细契你当年科目二肯定满分通过！最后因改变主意，准确将车停喺常在德面前，常在德未伤及分毫。

▲我有咁嘅技术，倒库就唔使考两次！细契嘅“高超车技”被网友恶搞，将剧集片段与动画《头文字D》外，更将《头文字D》电影海报改为「菊英字D」，并且成功上报。

除此之外，《溏心风暴》其实都有唔少经典台词1.我话系就系，唔使证据！呢度唔系法庭，唔需要证据，我对眼就系证据！我睇人睇咗几十年，边个系人，边个系鬼，我睇得出！（大契最经典台词！） 2.不贤妻，不孝子，顶趾鞋，无法治！。

（细契）3.甜的吃，苦的吃，酸的也要吃！ （大鲍：你再唔讲实话，屎都有得你吃）（细鲍）

4.昆明摆档摆明昆呀！（细鲍）5.多儿多女多冤家，无儿无女坐莲花。（大鲍）6.有口也是和，无口也是禾，大家要和和气气。（大鲍）

7.未登天子位，先置杀人刀！（大契）………………由于《溏心风暴》嘅大热，TVB趁热打铁喺08年推出争产第二部《溏心风暴之家好月圆》（以下简称《家好月圆》）。

同第一部一样，《家好月圆》一开播就掀起新一轮热议，有段时间，所有报纸杂志无一不报导该剧内容以及演员，该剧大结局更加录得50点最高收视，比第一部足足高咗2点不过，第二部引来更大嘅争议同反感，首先系剧情枯燥乏味、冇新意

，第二部唔少内容同桥段死抄第一部，感觉就系换汤唔换药。

第二部仲几乎每集都充斥住搵交嗌，剧中角色经常因为无聊嘅起因而闹交，纯粹系「为闹交而闹交」及「闹交博高收视」。

▲片头曲经典嘅「四连扑」另外《家好月圆》出现咗好多唔合理情节同穿帮镜头（虽然第一部都有，但远远不及第二部），更加为人诟病。收到短信，短信时间同手机时间差咗10分钟，唔同短信系从未来寄返嚟？

有一集于素秋要瞓觉，跟住荷妈话：“夜啦，我们要走啦。”，但系好明显窗外系日头，真系日头当夜晚？

仲有Sa姨话自己住喺葡萄牙「士砵亭」，但事实上葡萄牙根本冇「士砵亭」呢个地方，Sa姨同嘉美私生子 Ronald 通视像电话，都系使用英文而非葡萄牙文，显得非常唔合理虽然《家好月圆》制作同剧情真系不如第一部，但系入边有好多盏鬼台词，系我非常中意。

1.阿婆跑得快，一定有古怪。（阿卡）2.我说你行，你就行；我说你不行，你就不行；你说你行，我说你不行，你还是不行；你说你不行，我说你行，你还是行。（Sa姨）3.唔使惊，荷妈响大厅！（阿卡）

4.寻晚落大雨，你做咩唔趁地淋阿! （甘老太）5.煲煲猪脚姜呀，激死朱元璋呀, 拎住猪脚姜呀，撞到朱元璋, 放低猪脚姜呀，叫声朱元璋, 叫下朱元璋呀，唔见咗煲猪脚姜, 拉住朱元璋，问佢攞返煲猪脚姜（凌B）。

6.大头仔脚趾尾拉西， 神经刀好似只猫咁赴返出来啊!  （Jo鲍）7.Sa姨～～生咗个大兄，从小住喺士钵亭。Sa姨都引佢为荣，佢只脚一踢就最心惊，仲有一招反手冇得剩！（阿卡）

8.堂就大过姑，姑就大过姨，姨就大过表叔公，表叔公大过表叔婆，表叔婆大过表伯，表伯娘，表叔，表婶，表姑妈，表姑姐，表姑丈，表舅公，表舅婆，表姨婆，表舅父，表舅母，表姨妈，表姨丈……（Sa姨）9.你唔系第三者，你系第三者之中嘅表表者！

（甘老太）

“溏心”第一第二部之中有边句台词喺你心目中系最经典？

下边系《溏心风暴3》嘅最新预告片睇完你又期唔期待呢部奶茶争产？我哋建咗个【自己友睇片】群，同你一样追港片港剧嘅自己友喺群度等你。长按识别二维码加羊城网 小沅子微信，备注【追剧】，等佢拉你入群喇！

素材出自维基百科、香港讨论区、苹果日报等羊城网负责整理编辑